ഒഴിഞ്ഞ
പത്തായങ്ങളില്
ചുണ്ടെലികള്
ചുരണ്ടിവന്നെത്തും
നിറഞ്ഞ അടിത്തട്ടുകളില്
ഉപ്പിന്റെ നനവൊട്ടിനില്ക്കും
ഇരുണ്ട നിഗൂഢതകളില്
കാറ്റിന്റെ മണം
തേടിവന്നെത്തും
അതുകൊണ്ട്..
എല്ലാം ഒളിപ്പിച്ചു വയ്കാന്
എനിക്കൊരിടമുണ്ട്.
ബാപ്പുവിനു കൊടുത്ത
ഉണ്ടയും
ബുദ്ധന്റെ ചിരിയും
അതിരില് തീര്ത്ത
വേലിയും
തെക്കേലെ
സുഭദ്രചേച്ചിയുടെ
വീട്ടുമുറ്റത്ത്
കുഴിച്ചിട്ട
കോഴിമുട്ടയും
ഇവിടെ വച്ചാണ്
ഞാന്
വിരിയിച്ചെടുത്തത്
എന്റെ നേര്ക്ക്
കൈ നീട്ടരുത്
ചിരിക്കുകയുമരുത്
ഒരു ഹസ്തദാനത്തിലും
ഒരു പുഞ്ചിരിയിലും
യുദ്ധങ്ങളൊഴിഞ്ഞു
പോയേക്കും.
പറയാനുള്ളത്.
- ശിശു
- (അനന്തമജ്ഞാതമവര്ണ്ണനീയം ഈ ലോകഗോളം തിരിയുന്ന മാര്ഗ്ഗം അതിങ്കലെങ്ങാണ്ടൊരിടത്തിരുന്ന് നോക്കുന്ന മര്ത്യന് കഥയെന്തു കണ്ടു??) ഞാന്..ഒരു വെറും ശിശു. അറിവിന്റെ ലോകത്ത് പിച്ചവയ്ക്കുന്ന ശിശു.
തോന്ന്യാക്ഷരങ്ങളുടെ വായനക്കാര്..!!
